I-Pirates ‘iyacasha iyacosha’ badlali labasihlanu bayahamba kungena labasha

Sekubikwe kutsi licembu le-Orlando Pirates likhulule badlali labasihlanu, lasayina labanye labane.

Ngemuva kwemaviki kucocwa ngalabadlali labasha labasayiniwe, ekugcineni iPirates igcine yabika labadlali labasha.

Basayine Mthetheleli Mthiyane lobuya ku-Stellenbosch FC, Sibangani Zulu lobuya ku-Richards Bay.

Bachubeka basayina futsi, Bohale Ngwato kanye na-Ghampani Lungu, bobabili babuye kuSiwelele FC.

Kusayinwa kwa-Mthiyane kube sivumelwano sekuntjintjana ngemdlali wasemuva Thabiso Lebetso
lojoyine Stellies.

Njengobe balandzeli basajabulele kusayinwa kwalabadlali labasha, iPirates ikhulule badlali labasihlanu.

Badlali labahambako be-Orlando Pirates:

Bandile Shandu, Sipho Mbule, Tshegofatso Mabaso, Karim Kimvuidi, kanye na-Gilberto (Deive Miguel Viera).

I-Pirates ibonge yaphindze yavalelisa labadlali labahambako, njengobe balungiselela lesizini
letako ya-2026/27.

I-Pirates kufanele iyodlala iCAF Champions League njengobe itsetse leMdzebe ye-Betway Premiership 2025/26.

Story by: Nkosinathi