I-Real Madrid FC iyobe ibika mdlali lomusha Franco Mastantuono ngelusuku lwakhe lwekutalwa kusasa

Lowaseveni lase-Argentina loyobe ahlanganisa minyaka yakhe le-18 ngebudzala lodlalela licembu le-River Plate kanye-nelicembu lesive lase-Argentina Franco Mastantuono, lodlala esuswini ngelinyawo lesencele futsi losanelikusasa lelihle ebholeni letinyawo.

Licembu lase-Spain i-Real Madrid liyobe lamukela lomdlali, futsi liyobe litfula satiso noma simemetelo sekusayinwa kwalomdlali ngelusuku lwakhe lwekutalwa.

I-Madrid ibhadale imali lengu-€45m kutsenga Franco Mastantuono loneminyaka lenge-17 ngekutalwa. Kuvakale mibiko kutsi lomdlali usayinwe sekusikhatsi kkodvwa bekangatilolongi nelicembu lalabadzala ngenca yemtsetfo we-Laliga.

Lokusho kutsi lomdlali utawubikwa kusasa njengoba agubha lusuku lwakhe lwekutalwa futsi mtsetfo umvumele kutsi atilolonge nalelicembu.

Franco Mastantuono lodlala ngelishawo lwswncele esuswini ungulabanye bebadlali labakhulele kulicembu leRiver Plate batfola ticu tabo.