Lokushiwo ngu-Hugo Broos acedza kucopha umlandvo ne-Bafana

Umceceshi we-Bafana Bafana Hugo Broos, ubashayele tandla labafana bakhe ngemuva kwekutsi ngemuva kwekutsi bashaye i-South Korea nga-1-0, kuleNdzebe Yemhlaba ngoLwesine.

Kuphumelala kwabo e-Monterrey kubabeke endzaweni yesibili ku-Group A, baphumelela kuchubekela phambili kulomcudzelwano.

 
·   FUNDZA NALAN :Mbuthu nelitfuba lekutiveta kubaceceshi be-Chiefs

Loku kusho kutsi, batawucudzelana ne-Canada kumdlalo wabo lolandzelako kulesigaba semkhumula jezi eLos Angeles ngeLisondvo.

“Kundzima kutsi ngichaze lendlela lengitiva ngayo,” kusho umceceshi Hugo Broos.

“Kuyamangalisa kakhulu. Phela bekundzima kakhulu namuhla, kodvwa sidlale umdlalo lomuhle kakhulu.

“Ematfuba ona siwadalile kakhulu, futsi ngekwemachinga besisezingeni lelingenhla kakhulu.

“Kubendzima kakhulu kutsi i-South Korea ikhone kutfola sikhala. Besivale kahle kakhulu emuva. Futsi besiyingoti uma siyaphambili.

Hugo utsi lomdlalo ube yimpumelelo ngenca yekubumbana kanye nebudlelwane lobucinile lobukhona phakatsi ecenjini.

“Umasisebenta ngekubambisana iminyaka lesihlanu, kubakhona kuchumana lokukhetsekile,” kwengeta yena.

“Sisebente ngekutikhandla nebaceceshi kanye nebadlali esikhatsini lesinengi bangebangani bami,
ngoba ngibatjela konke lokufanele.

“Loku kuchumana lokuhle kakhulu.” Nyalo iBafana Bafana ilibangisa eLos Angeles bayocudzelana neCanada.

Story by Nkosinathi