I-SUNDOWNS AYIKAMNIKETI RIBEIRO I-CLEARANCE

Ngomsombuluko ebusuku, Ribeiro ubhale umbiko noma uposte umlayeto lotsintsa miva wekuvalelisa balingani bakhe, abika kwekutsi minyaka yonkhe lemibili layihlalile e-Chloorkop ifike emaphetselweni.

I-Sundowns, ngako-ke, ivele yatfula ngalendzaba. Loweminyaka le-26 ngebudzala baloku achuba kwekutsi bamkhulule kusukela abuye ku-FIFA Club World Cup e-USA, kutsiwa emacembu aphesheya i-Fluminense yangakubo e-Brazil ne-Qatar SC ayamfuna lomdlali.

Kodwa akukho simvumelwano lesentiwe ne-Sundowns ngembi kwekutsi kuvalwe sigaba semakethe yekutsengiswa nekutsengwa kwebadlali.

Ribeiro ngekudvumateka nekukhatsateka watsatsa lenkhulumomphendvulwano wayitfumela kube-FIFA, nebameli bakhe kutsiwa i-Sundowns beyibita linani letimali letibe yimbangela yekutsi kuhamba kwalomdlali kungabi yimphumelelo.

Kuyavisiseka kwekutsi i-Kontilaki yakhe isalelwe mnyaka munye logcwele, nalelicembu kubamba luhlangotsi kulamasizini lamabili latako.

Ngalesikhatsi lendzaba ye-FIFA ingakacazululeki, Ribeiro umangalise labaningi ngembiko lawubhale kuma-Social Media watfukutselisa baphatsi be-Sundowns, labo nyalo bafuna kutsatsa tinyatselo temtsetfo ngenchubekela phambili yekucinisa sivumelwano sabo.

Ribeiro nguye mdlali lodlale kahle kakhulu kulesizini lesibuya kuyo ku-PSL,washaya emagoli emagoli la-21 nema-Assistts la-14 kumidlalo le-51 nelicembu le-Sundowns.