Iqraam Rayners of South Africa celebrates goal during FIFA World Cup Qualifiers 2026 match between South Africa and Zimbabwe at Free State Stadium on the 11 June 2024 in Bloemfontein © Sydney Mahlangu/BackpagePix

IChiefs ifuna ukuthenga isihlabani seBafana

June 18, 2024 Banele Hlakanyane 641 Views

IKaizer Chiefs FC ikhombise intshisekelo yokusayinisa umdlali wasesiswini weBafana Bafana ngaphambi kwesizini ka-2024/25 njengoba ifuna ukuqinisa isikwati sayo.

Ngokwemibiko Amakhosi asevele asayinise umqeqeshi waseTunisia uNasreddine Nabi osuka kwi-AS FAR. Leli qembu belifuna ukusayinisa lo mqeqeshi ngesizini edlule kodwa wagcina esejoyine i-AS FAR yaseMorocco.

Selokhu esayinise lo mqeqeshi Amakhosi abengakasayinisi abadlali abasha. NgokweGOAL leli qembu lifuna ukusayinisa isihlabani seBafana Bafana neSekhukhune United FC u-Elias Mokwana.

UMokwana ube nesizini enhle ngesizini edlule njengoba ekwazile ukushaya okungenani amagoli amane kuDStv Premiership. Umqeqeshi uBroos unqume ukubiza lo mdlali eqenjini leBafana Bafana ngesikhathi kunemidlalo yobungani e-Algeria ngoMashi nonyaka.

UMokwana udlale umdlalo wakhe wokuqala kuBafana Bafana ibhekene ne-Andorra kanti ukwazile ukushaya igoli lakhe lokuqala kuBafana Bafana. UBroos uphinde wanquma ukuphinda ashayele lo mdlali ucingo ngesikhathi sokuhlungela i-FIFA World Cup 2026.

IBafana Bafana idlale neNigeria neZimbabwe kule nyanga emidlalweni yokuhlungela iNdebe yoMhlaba yeFIFA ekuhambeni nasekhaya. Badlale ngokulingana ngo 1-1 neNigeria ekuhambeni baphinde banqoba ngo 3-1 komakhelwane babo iZimbabwe ekhaya.

UMokwana uyidlale yomibili le midlalo kuBafana Bafana. Ngeshwa lo mdlali akazange ashaye igoli okungenani elilodwa kulokhu kuBafana Bafana.