I-Sundowns ibenesicalo lesinhle ku-CAF Final 1st leg, ngatsi kuyatsembisa

Licembu leMamelodi Sundowns libe nesicalo lesihle kulomdlalo we-CAF Champions League final 1^st leg,  bashaye i-AS FAR nga-1-0, eLoftus Versveld, ngeLisontfo.

Kube mdlalo lomkhulu lobange nebalandzeli bacedza emathikithi ekungena bayobukela lomdlalo lomkhulu wemancamu.

Kucale Masandawana avula inkundla kulomdlalo nga-Aubrey Modiba loshaye free kick lenhle, esiwombeni sekucala salomdlalo.

I-Sundowns isetfubeni lelinhle lekutsatsa lendzebe ibe nenkanyeti yesibili egameni layo. Njengobe nje, ku-Betway Premiership bahleti ngekuminyela iPirates.

Kusamele lamacembu ayocudzelana kumdlalo wesibili walomncitiswano wemancamu, eveni lase-Morocco. Lapho khona i-AS FAR itawamukela Masandawana ku-2^nd ye-CAF Champions league.

Lomdlalo utawudlala mhlaka 27-INkhwenkhweti 2026, ngeLisontfo,  e-Morocco. I-Sundowns ihamba phambili ngeligoli linye, njengobe iwinile kulomdlalo wekucala.

By:Nkosinathi