Tijikile tintfo ku-CAF Five-years Ranking, iDowns iyakhuphuka

Njengobe isizini ya-2026/27 isitawucala, iMamelodi Sundowns itawungena kule sizini lensha isesicongweni se-CAF Five-Year Ranking ngemuva
kwekweca licembu laseGibhithe, i-Al Ahly.

I-Sundowns ivune imiphumela yekuncoba i-CAF Champions League ngesizini ya-2025/26, kanye nekufinyelela kulowemancamu ngesizini leyendlulile, futsi yaphindze yafinyelela kuma-semi-final kuwo onkhe emahlandla lamane ekugcina.

Ngenca yaloko, kanye nemiphumela lebeyingajabulisi ye-Al Ahly kuleminyaka
leyendlulile, iMasandawana seyinyukele esicongweni saloluhlelo lwekulinganisa.

Njengobe i-Al Ahly ingakafaneli kutawudlala ku-CAF Champions League ngesizini ya-2026/27, iSundowns ingachubeka yandzise lihlandla layo nangabe itawuphindze yente kahle emincintiswaneni ye-CAF.

Ngalesinye sikhatsi, i-Esperance de Tunis, i-RS Berkane kanye ne-USM Alger bagcwalisa licembu lelisetulu lesihlanu e-Afrika. I-USM Alger iwine i-CAF
Confederation Cup ngesizini leyendlulile, kantsi i-Esperance ne-RS Berkane bafinyelela kuma-semi-final e-CAF Champions League.

I-Orlando Pirates yehlile, isendzaweni yesi-19 ngemaphuzu langu-20 ngemuva kwekwehluleka kufinyelela esigabeni semacembu (group stages) e-CAF Champions League ngesizini leyendlulile.

I-Stellenbosch FC ikunombolo-24 ngemaphuzu
langu-14.5, i-Marumo Gallants ukunombolo-37 ngemaphuzu lasitfupha, kantsi i-Kaizer Chiefs ikunombolo-38 ngemaphuzu lasihlanu.

Emacembu langu-10 lahamba embili ku-CAF Five-Year Ranking:

Mamelodi Sundowns (Ningizimu Afrika) – emaphuzu langu-73 Al Ahly (Gibhithe) –emaphuzu langu-66
Esperance (Tunisia) –emaphuzu langu-58
RS Berkane (Morocco) –emaphuzu langu-57
USM Alger (Algeria) –emaphuzu langu-52
Zamalek (Gibhithe) –emaphuzu langu-49
Pyramids (Gibhithe) -emaphuzu langu-48
ASFAR (Morocco) –emaphuzu langu-41
Al-Hilal (Sudan) –emaphuzu langu-39
CR Belouizdad (Algeria) – emaphuzu langu-38


Lendlela yekubalwa kwaloluhlelo isebenta njani?

Ekubalweni lokusha kwe-CAF Five-Year Ranking kusetjentiswa emaphuzu lacocwe kuleminyaka lesihlanu, kusukela ngesizini ya-2021/22 kuya ku-2025/26.

Emaphuzu lacocwe ngesizini ya-2025/26 aphindvwe kahlanu (×5), kantsi lawo angesizini ya-2024/25 aphindvwe kane (×4), a-2023/24 aphindvwe katsatfu (×3), a-2022/23 aphindvwe kabili (×2), bese a-2021/22 aphindvwe kanye (×1).

Ngako-ke, iSundowns yatfola emaphuzu langu-30 (6×5) ngesizini ya-2025/26, i-ASFAR yatfola langu-25 (5×5), i-Esperance ne-RS Berkane batfola langu-20
(5×4), kantsi i-USM Alger, leyawina i-CAF Confederation Cup, yatfola langu-25 (5×5).

Emaphuzu angesizini ya-2020/21 sekasusiwe kuloluhlelo lweminyaka lesihlanu, lokusho kutsi iKaizer Chiefs ilahlekelwe ngemaphuzu leyawatfola ngesikhatsi ifinyelela kulowemancamu7 e-CAF Champions League.

Kubalwa kwemaphuzu eSundowns: 3×1 (2021/22) + 4×2 (2022/23) + 4×3 (2023/24) + 5×4 (2024/25) + 6×5 (2025/26) = emaphuzu langu-73.

Story by Nkosinathi

 FUNDZA NALANA: Miguel nemlayeto locinile kubalandzeli be-Chiefs