Baloyi uvikela i-Chiefs mayelana nekugceka
Brian Baloyi lonemlandvo nelicembu le-Kaizer Chiefs uphawule mayelana nekugceka lokuvele ngemuva kwekutsi lelicembu lidliwe.
Utse labangingi bahlasela lelicembu ngenca yekutsi nyalo lelicembu libukene nebumatima.
Baloyi utsemba kwekutsi lamanye maphimbo lavakala kakhulu badlali be-Chiefs bakadzeni “labahlulekile” ngalesikhatsi banelitfuba e-Naturena.
Utsi nyalo basebentisa simo lesimatim asalelicembu kutsi bakhone kuphawula futsi batfole ludumo.
Utsi labagceki abagceki i-Kaizer Chiefs ngalokufanele, futsi basebentisa lokugceka kutsi bakhone kuzuza miphumela yabo.
Baloyi akamange abike ligama la Junior Khanye, kodvwa kuvelile kutsi lamanye magama bekacondziswe kulesihlabane se-Chiefs sakadzeni (Junior Khanye).
“Bacinela lesimo salelicembu kutsi bakhone kutfola kuhlonipheka nekugcama ekubeni labanye babo bahluleka kufinyelela ezingeni, kukhulume yena.
Baloyi uphindze wagcugcutela labaceceshi Ben Kalil Youssef Kanaye na-Cedric Kaze kutsi bakhombise kutsemba malunga lamasha alelicembu lamancane.
“Labaceceshi nyalo kwamele batsembele kulabadlali labancane, ngoba bativetile kutsi bayakhona kutikhandla umangabe baniketwe litfuba.
“Emathalente laphakeme kufana na-Mfundo Vilakazi, Asanele Velebayi, Luke Bartman, Wandile Duba, na Mduduzi Shabalala kwamele bakholelwe kubo,” ungetile
Lonozinti wakadzeni walelicembu, uyakwati kubangenphansi kwekucindzeteleka ekudlaleleni lelicembu le-Amakhosi.
Baloyi ujoyine lelicembu ngemnyaka wa-1994, aneminyaka le-16 ngebudzala.
Wancoba i-BT Top 8 emdlalweni wakhe wekucala, muva wacukula indzebe ye-Coca-Cola Cup nga-1996, watfola tindzebe letimbili te-Rothmans.
Uphindze wamela licembu leBafana Bafana ku-Fifa Confederation Cup, ku-World Cup e-France nga-1998, kanye ne-Olympic Games.
