UMceceshi we-Manchester United Utsi bebancono kunelicembu le-Arsenal kulomdlalo wabo we-Premier League.

Ruben Amoring utsi, “Besincono kunelicembu le-Arsenal kulomdlalo walomuhla, sitikhombakalisile kwekutsi singancoba noma muphi mdlalo we-Premier League. Ngijabulile ngalendlela sidlala ngakhona futsi ngalendlela sitimisela ngayo.”

Uphindze wachubeka wangeta Amoring, “Sitivete kahle ngalokuphele kwekutsi singancoba noma ngabe nguliphi licembu kulomcitiswano we-Premier League.”

I-Manchester United ihlulekile kuncoba kumdlalo wayo walomuhla, idliwa licembu le-Arsenal ngeligoli linye ecandzeni enkhundleni yase-Old Traford.

Lowemashumi lamabili nakutsatfu (23) ngebudzala, longumgadli nguye mshayi weligoli lelisite kuphumelela kwelicembu kulomdlalo we-Premier League batsatsa emaphuzu lamatsatfu.

Utsi umceceshi welicembu le-Arsenal Mikel Arteta, utsi lomdlali weminyaka lengemashumi lamabili nesikhombisa (27) ngebudzala Viktor Gyokeres udlale kahle kakhulu kulomdlalo wanamuhla, “Kunetintfo lekudzingeka kutsi sisebenta ngato. Kuvakashela i-Manchester United sitfole kuphumelela sincobe kumdlalo wetfu wekucala, sicalo lesihle.”