I-Sundowns ibika lijezilayo lelisha lelinetinkanyeti letimbili

I-Mamelodi Sundowns seyetfule  lijezi layo lasekhaya lelisha lelitawugqokwa ngesizini
ya-2026/27.

Lokudvonsa kakhulu emehlo kuleli jezi yinkhanyeti yesibili lebekwe ngenhla kweluphawu lwelicembu.

Lenkhanyeti ifakazela kuphumelela kweMasandawana ku-CAF Champions League ngalesizini leyengcile.

Lelicembu lente umlandvo ngekuwina sitfombe salo sesibili ngaphansi kwemceceshi Miguel Cardoso.

Leli jezi lisagcine imibala yalo lejwayelekile, lophuti naloluhlata sasibhakabhaka, kodvwa selihlotjiswe ngeluphawu lolusha lolubovu lwePuma, loluniketa kubukeka lokwehlukile.

Nanoma tingucuko tingasitinyenti, lenkhanyeti yesibili ngiyo legcamile kakhulu kuleli jezi futsi ikhombisa kubusa kweMamelodi Sundowns ebholeni lase-Afrika.

Noma-ke, balandzeli beMasandawana kutawudzingeka kutsi babeketeleii kancane ngobe lelijezi lisengacali kutsengiswa.

Lelicembu licinisekise kutsi leli jezi litawutfolakala etitolo nakubatsengisi be-inthanethi kusukela nge-Inyoni 31.

I-Mamelodi Sundowns yetfule leli jezi ngesikhatsi licembu lichubeka nekhempu yalo yekulungiselela isizini eAustria.

Lelicembu laCardoso lisandza kudlala ngekulingana nga 1-1 neHertha Berlin emdlalweni webungani ngoLesibili.

Ngemuva kwekuphutselwa sitfombe seBetway Premiership ngesizini leyengcile, lapho i-Orlando Pirates icedze khona kubusa kwayo kweminyaka lesiphohlongo, iSundowns ifuna kubuyela esicongweni.

Umlayeto weMasandawana ucacile: lijezi lelisha, inkhanyeti lensha, nenhloso lensha yekubuyisa tonkhe tindzebe ngesizini letako.

Story by Nkosinathi

 FUNDZA NALANA: I-Chiefs seyimemetele umdlali wayo lomusha sha!