Impela okwenzeke kwiChiefs koweToyota Cup siyokuxoxela amagwababa echobana

I-Kaizer Chiefs FC ihlulwe ngo 4-0 ibhekene neYoung Africans SC namuhla ntambama eToyota Stadium, eBloemfontein koweToyota Cup.

Amakhosi eze kulo mdlalo kulandela uhambo lwawo lokulungiselela isizini oluyimpumelelo eTurkey. Babuyela ekhaya ngoLwesithathu kuleli sonto eledlule.

Le ndebe ihlelwe yiKaizer Chiefs FC ngokubambisana neToyota. IToyota ingabaxhasi beKaizer Chiefs.

Kulo mdlalo womabili amaqembu aqale kahle kakhulu emizuzwini engu-20 yokuqala. I-Yanga ithole i-free-kick ngemuva kwemizuzu engu-20 kanti bashaye igoli elihle ngemuva kwaleyo free-kick Amakhosi enza iphutha.

Izinkunzi zaseTanzania, iYoung Africans SC, ziqhubekile nokudlala kahle njengoba zithole elinye igoli ngaphambi kokuthi kuyiwe ekhefini. Umdlali osemncane weChiefs uNkosana Mbuthu wenze iphutha kwathi u-Aziz Ki washaya igoli elihle kulelo phutha.

Isiwombe sokuqala siphele ngo 2-0. Esiwombeni sesibili Amakhosi ethule uNkosingiphile Ngcobo ongene endaweni kaChivaviro ngomzuzu ka-45.

I-Yanga ibisenza kahle impela esiwombeni sesibili futhi. Leli qembu lithole igoli lesithathu ngomzuzu ka-57 kwathi igoli labo lashaywa uMzize.

USamkelo Zwane wenze iphutha elikhulu ngomzuzu ka-63 kanti iYoung Africans ayizange ilenze iphutha kulelo phutha. U-Aziz Ki ushayele ikilabhu igoli lesi-4 kanti bekuyigoli lakhe lesibili kulo mdlalo.

Lo mdlalo uphele ngo 4-0 kuwina iYoung Africans SC. I-Yanga ingompetha beToyota Cup kwathi u-Aziz Ki wahlabana ngendondo yeMan of the Match.

Amakhosi asezobhekana neMarumo Gallants FC koweBetway Premiership ngenyanga ezayo. Lo mdlalo uzokuba seToyota Stadium, eBloemfontein.