Licembu lase-Nyakatfo ye-Afrika lifuna Saleng

Licembu lelikhulu e-Nyakatfo ye-Afrika lichumane nelicembu le-Orlando Pirates ngematfuba ekusayina sihlabane sabo Monnapule Saleng.

Mibiko itsi licembu lase-Morocco lelikhulu, i-Raja Casablanca lichumane ne-Orlando Pirates mayelana nelitfuba lekusayina Saleng ngalokuphelele.

Ngekwembiko, yetintsatseli taseNyakatfo letitsembekile tivete kwekutsi i-Raja Casablanca ifuna Saleng ngalokuphelele.

Lelicembu likhombise kutsandza lomgadli welicembu le-Orlando Pirates losihlabane lesihle kakhulu enkhundleni.

Monnapule Saleng usasetandleni te-Orlando Pirates nanoma kwanyalo bambolekise kulelicembu le-Orbit College FC.

Kunwa ngilelicembu laphsheya kukhombisa kutsi uyatimisela, nanoma aku-loan, uchubeke wajabulisa ngisho nemacembu akhashane,ase-Afrika jikelele.

Licembu le-Raja Casablanca , licembu lelihamba phambili kuleligi ye-Botola Pro, libuke Saleng njengemdlali losikhiya lebafuna kumsayina umakuvulwa.

Ngulomceceshi wabo waseNingizimu Afrika, Fadlu Davids locele lomdlali lonematubane futsi lonetitayela longumgadli wasenkhabeni.

Licembu le-Orlando Pirates nyalo libukene nekutsatsa sincumo lesibalulekile kutsi bayambuyisa ekhaya.

Noma bayamtsengisa bavuma lesivumelwano sekutsi aye kulelase Morocco i-Raja Casablanca.

Kubolekiswa kwa-Saleng ku-Orbit College FC, kumvulele minyango kungakalindzeleki kwaphindze kwamenta watfutfuka.

Sivumelwano se-Raja singadala tingucuko tukwetinhlelo te-Pirates, kantsi nalomdlali angatfola litfuba lekutsi atfutfuke.