Lorch uphindze washaya ligoli futsi kue-Wydad

Lowase-Ningizimu Afrika lodlala sisu/mkhatsi Thembinkosi Lorch, uyachubeka ngekushaya emagoli eveni lase-Morocco, ngaphandle nje kwekutsi le-Bafana Bafana lingamkhetsi.

Lorch, bekayincence yebadlali labashaye emagoli lapho khona le-Wyda Casablanca lishaye le-Olympique de Safi 2-1, kugcina indzawo/sihlalo sabo kuleligi ye-Botola Pro.

‘Nyoso’ lowatiwako jikelele, ushaye emagoli midlalo lemibili lelandzelako lesandza kudlala, kantsi futsi ufake umtselela wekusita ngemagoli la-5 kumidlalo le-9 ye-Wydad lesizini.

Lowase Freestate ngekutalwa, uchazwe njengemdlali lomdzala ngu Hugo Broos nekutsi akakakulungeli kuba ngaphansi kwetinhlelo takhe, kantsi mhlawumbe angambita umangabe amudzinga.

Lorch, kusukela washiya licembu le-Mamelodi Sundowns nge-loani alandzela Rulani Mokwena ngesikhatsi sakhe aku Wydada, ube mdlali lokhaliphile kakhulu futsi lotimiselako.

Broos uvumile kutsi lomdlali kunginyalo udlala kahle kakhulu kodvwa wachubeka wacizelela kutsi akekho etihlelweni takhe nyalo natelikusasa, yena unaka kakhulu badlali lebasasebancane.

Kulindzeleke kakhulu kutsi Broos angahle angamukhetsi futsi ku-Lorch kumidlalo ye-AFCON, umangabe sekenta lukhetfo lokugcina.

Broos ukile wakhuluma ngekucitsa ya-Zwane loneminyaka le-36 ngebudzala kodvwa ngemuva kwesikhatsi wagucula umcondvo.

Zwane ube yincenye yebadlali bebatikhiya kulelicembu la-Broos, kodvwa ngebhadi walimala wabese uyakhiswa kulelicembu.