Ngcobo uphawula ngebumatima bekudlala ne-AmaZulu

Lomdlali we-Sisu welicembu le-Kaizer Chiefs, uphawule ngebumatima bekucudzelana nelicembu la- Arthur Zwane, Usuthu njengobe bayobambana ku-Betway Premiership ngemgcibelo.

Mshini udlale 90 wemaminitsi, bashaya iSekhukhune United 2-0. Bakhona kufinyelela ku-50 wemaphuzu kwekucala ngca ngemuva kweminyaka leyisitfupha.

Lomdlali lodlala enkabeni, loneminyaka leyi-26 ngebudzala, washaya ligoliblakhe lekucala lalesizini ya-2025/26, nge-Free-kick, bashaya Stellenbosch FC 2-0.

I-Chiefs itawudlala ne-Ususthu, e-Mosese Mabida Stadium e-Durban ngeMgcibelo. Balambele kukoleka emaphuzu lamanyenti njengobe kulomdlalo wabo wekucala ne-Ususthu badlala 1-1, eFNB Stadium.

Nanoma bahlalisekile kunombolo-3, kodvwa Ngcobo utsi bayati kutsi AmaZulu itawuta ihlomile, ngako ke, nabo bwuhlomele lomdlalo futsi batawuhlasele.

“Sitawubophela njengenjwayelo, sihlele tinhlelo temachinga nebaceceshi betfu. Kufanele sisebente ngekutikhandla, ngobe kutawube kungekho lula,” kusho Ngcobo.

“Siyati kamhlophe pha, kutsi kumatima kucudzelana nemceceshi Arthur (Zwane). Ngako ke, silindzele umdlalo lotawuba bebumatima, kodvwa natsi sihlomile futsi siwulungele.

“Tindzaba letimnandzi kutsi siyodlala umncitiswano we-CAF lesizini letako.”

By:Nkosinathi