Kungani umceceshi weChiefs acolise ngemuva kwekudliwa?

Umceceshi welicembu le-Kaizer Chiefs Khalil Ben Youssef utsi kwamele batsatse licala balibeke kubo bacoluse kakhulu ngemuva kwekutsi batfole mzaca wa-2-1 kuStellies.

Amakhosi ahluleke kuncoba umdlalo wabo weligi futsi eFNB Stadium, ngemuva kwekutsi babe nesicalo lesihle batfola ematfuba lamanyenti bashaya neligoli linye ngembi kwekutsi kuyiwe ekhefini.

Ligoli la-Flavio Da Silva livalwe ngulangelihle Phili, wabuya Devin Titus waphetsisa lomdlalo ngeligoli lesibili sekusele sikhashana nje kutsi uphele lomdlalo .

Ematfuba acalile futsi kuncipha kulelase Naturena, njengobe iSundowns incobe nga1-0 kuAmaZulu FC , phakatsi eNkhundleni yase Moses Mabida.

LOKUSHIWO NGUMCECESHI KHALIL BEN

“Somba sekucala salomdlalo bekusetfu, basiwuhola lomdlalo satfola neligoli, sadala nematfuba lamanyenti sahluleka kubulala lomdlalo.

“Esombeni sesibili sicale njalo kodvwa savulela ligoli ngemizuzu le-5’ wrmamitsi umdlalo ubuya ekhefini.

“Ngicabanga kutsi kwamele snake umsebenti wetfu kakhulu sitsatse tinyatselo, futsi kwamele sibone emaphutsa etfu sente lucwaningo lelukahle,” kubike Khalil kuSupersport TV.

“Maphutsa manye ayatiphindza, ngicabanga kutsi kufanele sideline nelicala sicolise kubalandzeli sinemalanga lamatsatfu kutsi silungiselele iDarbi site sikhatsi lesanele sekucoca ngalomdlalo lona.”

INCHUBEKELA PHAMBILI

Letigcalamba taseSoweto tiyobambana jumdlalo weligi wekucala lesizini ngemgcibelo emini ngomhlaka 28-INdlovana 2026 phakatsi eCalabash.

By:Nkosinathi