Lokuhle ngaSekgota kuSewelele FC

Umceceshi welicembu leSiwelele FC Lehlohonolo Seema, utsi lomdlali weliphiko Kgaogelo Sekgota uchamuka kahle kakhulu.

Ubike kutsi lomdlali utfutfukile kantsi futsi ukulungele ngalokuphelele kudlala , katsi umphumela lomkhulu kutsi ululamile ngekwengcondvo.

Loweminyaka le-28 ngebudzala lowasuka ecenjini leKaizer Chiefs waya kuMagesi FC, kwavakala mibiko kutsi lomdlali ugcilateke ngekwengcondvo.

Wavakashela bodokotela bengcondvo kutsi akhone kubuyela esimeni sakhe, nyalo lomdlali lodzabuka eLimpopo ulijabulele likhaya lakhe lelisha.

Sekgota ube nesicalo lesihle kakhulu wakhona nekushaya ligoli kumdlalo wakhe wekucala kulelicembu leSewelele FC.

LOKUBIKWE NGMCECESHI NGA SEKGOTA

Seema ukhulume ngemuva kwalomdlalo wabo nezpolokwane City lapho badlale khona ngekulingana 0-0.

Utse baze bacalise Sekgota kutsi bafuna akhone kutfola kutetsemba lokwanele futsi bayamjwayeta.

“Uchamuka kahle, uhlale sikhatsi lesidze angadlali nyalo lana uyambona kutsi uyazama, usebenta ngekutikhandla,” kusho Seema.

“Utangakhona, simunika kutetsemba kungako simcalisa nemdlalo, sifuna avisise kutsi ungumdlali lokhaliphile.

“Madvute nje uma sekabuyele esimeni sakhe, utawube sekaphelele. Ngako-ke uhlaliseke kahle futsi sijabulile,” kungetele lomceceshi.

Sekgota ubuyile kaPSL ngemuva kwesikhatsi lesidze ahambile, nyalo ugijima nelicembu leSiwelele FC, ushaye neligoli ngemdlalo wakhe wekucala ngca.

By:Nkosinathi