AmaZulu seyibike kusayinwa kwemfanyana loyinhlupho

Licembu le-AmaZulu selihlele likusasa lalomdlali lodlala sisu losemncane, Siyanda Hlangabeza, losayine ikontilaki ledze nalelicembu.

Lelicembu lakulesifundza saKwaZulu Natal, liphutfume lahlela lagcina badlali balo bonke lebatimisele kulesizini leyengcile.

Lomdlali wemkhatsi wasemuva loneminyaka leyi-23 ngebudzala naye uyincenye yalabadlali lababuselele
emakontilaki.

Hlabangeza uke watfola ema-Man of the match lamatsatfu kumidlalo lengemadhumi lamabili nakunye.

Uyincenye yebadlali be-AmaZulu labatimisele kakhulu kulesizini leyengcile. Walekelela lelicembu lakhe lacedza isizini lisendzaweni yesine ku-Betway Premiership.

Lesivumelwano lesisha sisuka ekujuleni kwesitatimende salelicembu, licinisekise kwekutsi lomdlali uyachubeka nalelicembu.

Hlangabeza wafika kulelicembu lenkulisa le-Usuthu ngemnyaka wa-2023, wabuya wabolekiswa ku Durban City.

FUNDZA NALANA/ ‘Licembu le-Kruger United selicalile lihlomela lesizini letako ka-PSL

Ngembili kwekutsi abuye atocinisa lesikwadi ngephansi kwemceceshi Arthur Zwane.

Ngenca yekutimisela kwakhe Hlangabeza, i-AmaZulu ilindzele kubona lomgcina lomdlali njengobe likusasa lakhe lichakata.

Story by Nkosinathi