Ethan Chislett uveta lekafisa kukwenta kuKaizer Chiefs
Umdlali wesisu welicembu leKaizer Chiefs losengakadlali nakanye, Ethan Chislett ukhumbute balandzeli kutsi kungani ashiye ibhola yase-Europe wajoyina leli lecmbu leAmakhosi.
Lomdlali loneminyaka lengu-27 ngebudzala, ufike kuKaizer Chiefs asuka kulelicemvu laphesheya iPort Vale, kulindzelwe lukhulu kuye, phela kusayinwa kwakhe kwadvonsa mehlobebalandzeli bahalela kumbukela.
Ungene ku-Instagram kuleli sontfo, wachaza kutsi kutfutsela kwakhe eNaturena ekusiyo inhloso yemsebenti nje kuphela — kodvwa bekuyinhloso yekuvuselela ligama lakubo.
Ethan Chislett, utsi kugcoka leljezi leKaizer Chiefs kusho lokungetulu nje kwelicembu.
“Ngite siciniseko sekutsi niyati yini, kodvwa mkhulu nababe bebedlala khona lana (eNingizimu Afrika),” kusho Chislett.
“Bengifuna kuchubeka etinyatselweni tabo futsi ngakhele ngetulu kwato.” Ibhola isengatini ngekweliciniso emndenini wakaChislett.
Yise, Donovan, wagcama kwiManning Rangers, besekutsi mkhulu wakhe, Gordon, yena wake wamela iNingizimu Afrika ngeminyaka yango-1970.
Nanoma nje bekatolitfola lelinye licembu eEurope noma khona laNingizimu, Ethan Chislett uvumile kutsi ihlitiyo yakhe beyitsatseke eNaturena.
“Bekukhona lamanye macembu, kodvwa uma ngikhuluma kahle liciniso, akuzange kwangicaka. Bengifuna kudlalela iChiefs… “
