Mudau uphawula ngesimo se-Sundowns bayodlala ne-City

Lomdlali wasemuva welicembu le-Mamelodi Sundowns Khuliso Mudau, ucacisa ngesimo salelicembu njengobe tintfo tingakabahambeli kahle ku-Betway Premiership.

Mudau, utsi angeke batifake ngephansi kwekucindzeteleka, kodvwa batawuchuba kancane kancane bacedzise lemidlalo kute baphumelele.

Masandawana atawubambana ne-Polokwane City ngoLwesitsatfu e-Seshego Stadium ntsambama, kumdlalo we-Betway Premiership.

Ngemuva kwekutsi balahlekelwe maphuzu kulemidlalo labadlale khona kulingana ne-Richards Bay kanye ne-Stellenbosch FC.

Mudau utsi, batawuzama kumelana nalokucindzeteleka njengobe iPirates ibafaka ngaphansi kwekucindzeteleka kulomncitiswano wekugijimisa leNdzebe ye-Betway Premiership.

Kantsi futsi bafuna kuzama nekutsi babuye nalendzebe ye-CAF Champions League iphila, njengobe basemdlalweni wemancamu.

“Sitawudlala umdlalo ngamunye ngamunye ngesikhatsi, angeke sitifake ngaphansi kwekuticindzetela, futsi ngicabanga kutsi kubalulekile kulesimo lesikuso,” kusho Mudau.

“Lomdlalo wetfu ne-Polokwane City, yebo utawuba matina kukhuluma liciniso. Kodvwa sitawuzama kulwa sijabulise balandzeli kanye neminseni yetfu.”

By:Nkosinathi