Appollis uphawula ngalenkhulumo yemiklomelo

Sihlabane selicembu le-Orlando Pirates Oswin Appollis ube nemtselela lomuhle futsi lomkhulu ku Orlando Pirates.

Kantsi futsi ungumdlali loyincenye yemncitiswano yemklomelo lotatfoliwa ekupheleni kwalesizini yePSL.

Unconywe ngalokuhle kulokukhulu lokubili kulemiklomelo iCoveted Player of the season kanye neFootballer of the Season.

Loweminyaka le-24 longumdlali weliphiko lojoyine lelicembu le-Orlando Pirates ekucaleni kwalesizini.

Kodvwa sewuvele waba lilunga lelibalulekile lamceceshi Abdeslam Ouaddou kulelicembu le-Orlando Pirates.

Oswin Appollies unikele lokuningi kulelicembu kusukela afikile, uncobe indzebe ye-MTN8, wasita lelicembu kutsi lifinyelele kuCarling Knockouts.

Nyalo lelicembu lihleli kunombolo-1 welogo yeBetway Premiership, linemaphuzu la-28.

Kodvwa, uphawule tukwe midiya mayelana nalomdlalo wangeMgcibelo we-Carling Knockout Final. Utse akakatimiseli ngekutfola miphumela yakhe ayedvwa.

“Umsebenti wami kusukela kutsi ngisite lelicembu,” kujhulume Appollis ngalesikhatsi abutwa ngetinkhulumo mayelana nemklomelo.

“Kushaya emagoli, letinye tintfo angitinaki. Umsebenti wami kutsi ngente kahle, ngisite lelicembu kutsi liphumelelele futsi ngiloko nje kuphela lenake kona.”

Futsi uyincenye yebadlali balandzeli be-Orlando Pirates batobe batsembele kute kutsi lelicembu licukule indzebe yesibili yalesizini.

Ngemuva kwalomdlalo wekugcina walendzebe, kuyonakwa lelicembu lesive lapho khona naye ayincenye yemasotja lawatsembako umceceshi Hugo Broos.

Source: iDiskiTimes

Translated & edited by: Nkosinathi Masinga