Gavin Hunt: ‘Uma sitawudlala ngalendlela ne-Pirates sitawuphaka 6-0’
Lomceceshi welicembu le-Stellenbosch FC Gavin Hunt ucwayisa ngekutsi umangabe lelicembu lakhe litawudlala ngalendlela lidlale ngakhona lishaya iSekhukhune 3-1, iPirates iPirates iyobanika 6-0.
Stellenbosch FC kusafanele siyodlala ne-Mamelodi Sundowns kanye ne-Orlando Pirates, bayocala bavakashele letingcalamba tase Tshwane babuye bavakashelwe I-Pirates enkundleni yabo yase-Kapa.
NgoLwesihlanu lamasotja akhe Gavin Hunt ashaye iSekhukhune United nga-3-1 batsatsa emaphuzu lamatsatfu labaluleke kakhulu ku-Betway Premiership.
Lelicembu la-Hunt litfutfuke kakhulu kusukela ngenyanga ya-Bhimbidvwane lapho bebasemsileni khona. Nyalo bahlaliseke kunombolo-9, khashane kabi nengoti, futsi baselitfubeni lekungena ku-Top-8.
Hunt ubike ngebumatima bekucudzelana ne-Sundowns kanye ne-Pirates, utsi umangabe lelakhe litawudlala ngalendlela lidlale ngayo nele Sekhukhune United I-Pirates itawubafaka mzaca.
“Kulesinye sikhatsi kubalulekile kwekutsi ukhatsateke kancane. Angicabangi kutsi sicinile ngaleyondlela, futsi angicabangi kutsi sifikile kulelizinga. Kudzingeka kwekutsi ngingcolise tandla tami,” kungetele yena.
“Umangabe sitawudlala ngalendlela sicudzelana ne-Pirates sitawuphaka sitfupha, iPirates iphetse lizinga lelisetulu iphambili.
“Angicabangi kwekutsi sitawutfola litfuba lelifana naleli kubo, umangabe sitawudlala ngalendlela bayosishaya.
By:Nkosinathi
