I-City ikabhe licembu laphesheya lelitifela nga-Witbooi

I-Cape Town City seyicitse sicelo se-R15 million lebesivela ePoland ku-Górnik Zabrze, leli cembu belifuna kusayina lomdlali losemusha, Emile Witbooi.

Lomdlali loneminyaka le-17 budzala uhehe emacembu  lamanyenti ngemuva kwekuba nesizini lenhle kakhulu.

I-Orlando Pirates nayo ike yakhombisa kuguna lomdali, kodvwa ayizange yente sicelo lesisemtsetfweni.

Ngekusho kwe-iDiski Times, i-Górnik Zabrze, leholwa sihlabani saseGermany Lukas Podolski, beyibeke imali lecishe lengangae-R15 million etafuleni.

Kodvwa i-Cape Town City yacitsa lesicelo leso. Kubikwa kutsi lelicembu lifuna emkhatsini kwe-R18 ne-R20 million kute likhiphe Emile Witbooi.

FUNDZA NALANA: Ouaddou : “Inkinga yebantfu kutsi kakhuluma kakhulu”

Witbooi ube nesizini lenhle kakhulu, futsi wakhetfwa waba yi-Motsepe Foundation Championship Players’ Player of the Season.

Ubuye wasita iCity kutsi ifinyelele emidlalweni yemincitiswano yekulwela  kukhuphukela esigabeni lesingenhla I-BetwayPremiership.

Lomdlali nyalo ulungiselela isizini lensha ne-Cape Town City, lapho balindzeleke kutsi baphindze balwele kubuyela ku-Betway Premiership.

Story by Nkosinathi Masinga