Ouaddou : “Inkinga yebantfu kutsi kakhuluma kakhulu”
Umceceshi we-Orlando Pirates, Abdeslam Ouaddou, uphendvule labo labamgcekako7
ngemuva kwekutsi licembublakhe lishaye i-Chippa United ngemagolinlamatsatfu ecadzeni
(3-0)
Loko kwenteka ngemuva kwekutsi badlali labafana naSipho Chaine kanye naNkosinathi Sibisi bagcekwe ngumceceshi waseFrance-Morocco ngekudlala kwabo emdlalweni lowaphela 1-1 ne-AmaZulu FC ngaLwesitsatfu.
NgeLiSontfo ntsambama, iPirates ikhombise emandla, yashaya iChippa United ngemagoli lamatsatfu ecandzeni (0) eKings Park eThekwini.
Ghampani Lungu, Lebone Seema kanye naDaniel Msendami ngibo labashaye emagoli e-Ezimnyama Ngenkani, basita lelicembu kutsi libuye endleleni yekuncoba ngemuva kwekulahlekelwa ngemaphuzu.
Ngalemiphumela, iPirates iphindze yehlula titsa tayo, iKaizer Chiefs, esicongweni seBetway Premiership.
FUNDZA NALANA: Tijikile tintfo: I-Pirates ijoyina i-Chiefs esicongweni se-Betway Premiership
Nakakhuluma ngemuva kwemdlalo, Ouaddou washeshe waphendvula labo labebamgceka, watsi ngemuva kwenkhulumo yakhe, abadlali bakhe bamphendvule ngendlela lebekayifuna.
“Ngicabanga kutsi bafana bami banginike imphendvulo lenhle,” kusho yena kuSuperSport TV.
“Uyati, nangabe babe noma umnaketfu lomkhulu akhuluma kamatima egumbini lekushintjela, ngubani lowati badlali bami kancono kunami?
“Ngiyati kutsi bacabanga njani futsi ngiyati nendlela labenta ngayo.
“Ngako-ke bantfu bakhuluma kakhulu batsi umceceshi akukafaneli akhulume njalo nabetindzaba.
“Mine bengilindzele imphendvulo kubo, futsi ngaletinye tikhatsi kufanele ube matima kancane tukwebafana bakho kute bakhone kutsi batimisele lwelizinga.”
Story by Nkosinathi Masinga
