Tijikile tintfo: I-Pirates ijoyina i-Chiefs esicongweni se-Betway Premiership

I-Orlando Pirates ikoleke emaphuzu lamatsatfu  ngeliSontfo entsambama, ngemuva kwekushaya
i-Chippa United ngencwaba yemagoli (3-0) emdlalweni weBetway Premiership eKings Park Stadium.

Ema-Buccaneers akhombise kutsi afuna kuchubeka
nekuncintisana etulu kwelitafula, adlala ngemoya lomuhle kusukela ekucaleni kwemdlalo.

Ghampani Lungu ube nguye lovulele iPirates inkundla ngeligoli lekucala, linike lelicembu lakhe  litfuba lekulawula kulomdlalo.

Ngemuva kwaloko, Lebone Seema ushaye ligoli lesibili lePirates, lokwente kutsi i-Chippa United ibe ngaphansi kwekucindzeteleka kakhulu.


I-Chippa yetame kubuya emdlalweni, kodvwa Pirates
yachubeka nekubavimba emuva   yahlala, babusa kulomdlalo.

Kutsite kusachubeka umdlalo, Daniel Mseandami washaya ligoli lesitsatfu, acinisekisa kutsi iPirates itawuphuma netincenye letintsatfu temaphuzu.

Lomphumela wa-3-0 ukhombise emandla ePirates
ekubambeni umdlalo nasekusebentiseni ematfuba labawatfolako.

Ngalamaphuzu lamatsatfu, i-Orlando Pirates seyinemaphuzu lasikhombisa (7), seyilingana neKaizer Chiefs etulu kwelitafula leBetway Premiership.

Lomncintiswano wekuba semkhatsini walabaphambili sewucala kushisa, njengoba lamacembu lamabili asachubeka nekufuna kubusa kulomncintiswano.

FUNDZA NALANA: Miguel nemlayeto locinile kubalandzeli be-Chiefs

I-Pirates itawube inelitsemba lekutsi lomphumela
utayakha kakhulu indlela yayo kule sizini, ikakhulu kati ngemuva kwekukhombisa kutsi iyakhona kushaya emagoli kanye nekuvimba emuva.

 Story by Nkosinathi Masinga