Tihlabane te-City tiseBelgium kuma-Trial

Tihlabane letimbili telicembule-Capetown City FC, Jody Ah Shene kanye na Shekeel April batsatse tinyatselo letikhulu baya Europe.

Loku kubikwe ngemuva kwekutsi bakhwele indiza bayern eveni lase-Belgium phesheya kwemalwandle ngeMgcibelo Bayoyenta ema-trials ne-Royal Antwerp.

Loluhambo lwalabadlali lababili lufakazwe kahle ngemuva kwekutsi labadlali bobabili badlaliswe kulomdlalo we-City ne Highhbury FC, lapho lelcicembu lincobe ngekushelela kulomdlalo.

Lelitfuba  liveta sigaba lesihle tukwelikusasa laletihlabane letincane talelicembu le-Cape Town City FC, kuyodlala ecenjini laseEurope.

Umtfombolwati losondzelene nalelicembu ubike kwekutsi kuphumelela kwalabadlali tukwelukhetfo kutawuya ngekutimisela kwabo kodvwa kwanyalo basengakakhetfwa ngenchubekela phambili.

Ingabe bobabili batawujabulisa baceceshi be-Royale Antwerp, lomnyango ungasavulekela i-loani noma kutsengwa ngalokuphelele ku-Belgium Pro League.

I-Royal Antwerp ihlonishwa kakhulu jikelele, ngekuhleleka kwelicembu lelusha nekutfutfuka, futsi nekudala umncitiswano  kuBelgium Pro League.

Ah Shene kanye na April kuyodzingeka kwekutsi bavete hhayi lizinga labo kuphela, kodvwa nekutiphatsa kahle, futsi nekuhleleka ngekwengcondvo.

Kulelicembu le-Cape Town City FC, lokuhamba kwalabdlali kutokhuphula lizinga nesitfunti salelicembu,nekuveta kwekutsi lelicembu likhicita badlali labadvonsa emehlo emacembu aphesheya kwelwandle.

Balandzeli balelicembu leCity, batawuva ngemiphimela lebuya eveni lase-Belgium, bafisa kungatsi labadlali bangatfola lelitfuba leliyimvelakancane.

Umabaphumelela, batawuba yincenye yebadlali baseNingizimu Afrika labaphumelele kuyodlalela emave aseEyrope.