Hugo Broos uhishana nemenenja yaMbokazi

Seyicale phansi impi yemagama emkhatsini kwemceceshi weBafana Bafana Hugo Broos nemenenja yabadlali Basia Michaels. 

Uphendvule mayelana nekugcekwa kwakhe ngilomceceshi, Michaels uchaze mavi aBroos ngekutsi “agceka ngekwebulili” futsi“anendzelelo”.

Loku kukhomba umoya nyana longasikahle phakatsi kwalelicembu lesive nelicembu laletinye tetihlabane takuleli lase Zingizimu.

Lomdlali wasemuva loneminyaka lengu-20 ngebudzala losandza kusayina inkhontilaki lekutsiwa yemali leshisiwe asuka ku-Orlando Pirates aya ecenjini leMLS iChicago Fire.

INTFOMBATANYANA LETITJELA KWEKUTSI IYATI

Kungevani kwasuka ngalesikhatsi kuntsatseli yetindzaba teBafana Bafana ngeNgongoni.

Kulapho Broos – bekatfukutsele  gabe lunwabu – wase ugceka khona Mbokazi ngekufika ekhempini sekundlule sikhatsi bekabekelwe sona.

Waphindze waveta nekungahloniphi kwakhe nekungabata kutsi umnyakato wakhe wokuya e-United States awukho etulu. 

SEWUVELE WABHODLA

Ngesikhatsi sekucasuka kwakhe, Hugo Broos wabita Michaels ‘ngemfati  lomncane locabanga kutsi wati ibhola’. 

Ngaleso sikhatsi Michaels wala kuphawula ngaleludzaba, kodvwa nyalo ukhulume neSABC Sport, Michaels uvele wabhodla.

“Kimi, ngingakutjela nje ukutsi akungabateki kutsi loku akusho bekukucaphatwa ngako kokubulili,” kusho Michaels. 

“Hugo Broos angatsatsa noma ngutiphi tincumo takhe ngendlela lekafuna ngayo… 

“Kodvwa loko akumniki imvumo yekutsi angangihloniphi mine, Mbokazi, noma i-Orlando Pirates neKaizer Chiefs.”

Broos wabika nekutsi kuchutjwa kwaMbokazi kutsi ayodlalela iChicago Fire kuhambelana nemcondvo longacabangibkahl.