U-Tito udalula imfihlo ngokwenza iPre-season e-Spain
Umdlali we-Orlando Pirates FC wasesiswini, uPatrick “Tito” Maswanganyi, uthi baseSpain ukuyozithuthukisa ukuze babuye ngamandla eNingizimu Afrika.
UMaswanganyi ujoyine amaBhakabhaka ekuqaleni kwesizini ka-2023/24 esuka kwiSuperSport United FC. Udlale imidlalo engu-22 yeligi waba nama ‘assist’ amane kwiSuperSport United FC ngaphambi kwesizini edlule ngaphambi kokujoyina iPirates.
Lo mdlali ube nesizini enhle ngesizini edlule kumaBhakabhaka. U-‘Tito’ udlale imidlalo engaphezu kuka-30 kuyo yonke imiqhudelwano kwiPirates eshaya amagoli ayisishiyagalolunye futhi waba nama ‘assist’ angu-12 ngaphansi kwegama lakhe.
Uphinde wathola ithuba lokudlala kwiBafana Bafana kanti uqale ukubonakala ngoMashi bedlala imidlalo yobungani e-Algeria. Ubekhona nangesikhathi iBafana Bafana idlala neNigeria neZimbabwe ngenyanga edlule kwi midlalo yokuhlungela iNdebe Yomhlaba yeFIFA ka-2026.
UTito namaBhakabhaka manje baseSpain benza ipre-season yabo khona. Le kilabhu nayo ibise Spain ngonyaka odlule kanti uTito ubekumaBhakabhaka eSpain ngonyaka odlule.
Lo mdlali ube nengxoxo noThomas Mlambo mayelana nohambo lwabo lwangaphambi kwesizini eSpain futhi nangeqhaza lakhe eqenjini ngesizini edlule.
“Kuzwakala kumangalisa [ukuzuza okuningi nePirates] futhi ngiyaziqhenya ngami, ozakwethu kanye nabaqeqeshi. Ngicabanga ukuthi bangisize kakhulu ukuthi ngibe lapho ngikhona namuhla futhi ngizama ukuphusha okwengeziwe ukuze ngithuthuke,” kusho yena.
“Njengoba ubona siseSpain, sizama ukuzithuthukisa sidlala nabangcono kakhulu ukuze sibuyele ekhaya siqine kakhulu.
“Ukuba lapha eSpain ngonyaka odlule kungisize kakhulu ngokwengqondo, ngicabanga ukuthi kukunika ukuzethemba ukuthi udlale ibhola lakho nokufunda okuningi emazweni ahlukene nasemaqenjini ahlukene,” eqhubeka.
“Ufunda izitayela ezahlukene zokudlala kanti futhi uma uzifakela indlela yokudlala ye-Orlando Pirates ikunikeza lokho okukhombisa ukuthi ungakwenza nawe.”
UMaswanganyi uzoletha izinto eziningi ezinhle kumaBhakabhaka ngesizini ezayo njengoba kuningi akuzuzile ngesizini edlule okuzomgqugquzela ukuthi enze kangcono nakakhulu.
Lo mdlali uwine indondo yeNedbank Cup Player of the Season, DStv Premiership Midfielder of the Season, Players Player of the Season waphinde wahlabana ngendondo yeTransfermarket Player of the Season.
Uphinde waba ngumshayi magoli ohamba phambili kwiNedbank Cup ngamagoli amane.
Ngesizini yakhe yokuqala nePirates ukwazile ukunqoba izindebe ezimbili. Unqobe iNedbank Cup neMTN 8 Cup. Uphinde wasiza iBhakabhaka yafinyelela kuTop 2 yeligi kanti izodlala kwiCAF Champions League ngesizini ezayo.
