Letisha nga-Rulani Mokwena- Abekwa licala lekukhwabanisa
Intsatseli yase-Algeria Nazimm Bessol ukubeke kwacaca kutsi umceceshi Rulani Mokwena ngemuva kwekutsi kutfolakale kutsi unelicala unikwe umhlala phansi wetinyanga letimbili.
Mokwena uhlukane nalelicembu le-MC Alger wenta sivumelwano sekujoyona lelase veni lase Lybia i-Al Ittihad.
Ngako ke, utse ngalesikhatsi afuna kutsatsa luhambo lekutsi ashiye lelae Algeria avakashele lelase-Lybia, lowase Mzansi Afrika utfolakale abanjiwe eHouari Boumediene Airport ngeLiSontfo.
Utfolakale aphetse imali, lelive umtsetfo walo awuvumi kutsi uphume ufumbetse noma utfwele imali yakulelive lase Algeria.
Bessol ubike ngalelicala lapha ku-Thabiso Mosia Radio Show, kutsi Mokwena bekabele avinjiwe/abanjiwe kodvwa indzaba yakhe beseivele ivakele eDar El Beida Court, lapho agwetjwe khona lelicala.
LICALA NEKUPHUMA….
“Mokwena uboshiwe ngemuva kwekutsi atfolakale na 15 000 US Dollars can. Eveni lase Algeria awukavumeleki kuphuma uphetse noma utfwele imali lengetulu kwa- 7500 US Dollars.
“Kodvwa lengikwatiko kutsi nyalo ukhululiwe futsi ukulungele kuyocala umdlalo wakhe wekucala nalelase Lybia eTurkey,” ubike ngalendlela.
“Sitfole umbiko lobuya eNkantolo wekutsi Mokwena ugwetjiwe futsi uhlawulisiwe, baphindze bamunika i-Suspension yetinyanga letimbili ngemuva kwekutsi atfolakale nna14 200 euros (=15000 US Dollars).
Kodvwa nyalo utawutsatsa luhambo lekuya eLybia ayocala umsebenti lomusha nesigaba lesisha sempilo yakhe.
By:Nkosinathi
