Motswari utfole licembu lelisha

Lomdlali lowakhululwa licembu le-AmaZuku ngekungatiphatsi kahle, lokutsintsa kuphula umtsetfo.

Ben Motswari losihlabane lesidlala sisu/mkhatsi, utfole licembu lelisha ku-Betway Premiership.

Sekuvelile kwahlangana kutsi lelicembu lelisandza kukhushulwa lelisha ku-Betway Premiershi i-Orbit College icedzile kusayina lomdlali.

Ben Motswari ukhululwe licembu le-Amazulu maviki lambalwa landlulile ngemuva kwekutsi acitsi iminyaka lemi-3 nalelicembu.

Loweminyaka le-34 ujoyine lowake wasebentisana naye kadzeni ku-Usuthu, Ramahlwe Mphahlele, lona naye asandza kujoyina Mswenk Boys.

Motswari, nanoma nje, utawulungela kudlala ngalokusemtsetfweni kulelicembu le-Orbit College ngenyanga ya-Bhimbidvwane, njengobe akhululwe i-window/imakethe ivaliwe.

Loku kuchaza kutsi lowase-Mohlakeng ngekutalwa, lomdlali utawukhona kusayina uma kufika sikhatsi sekutsi i-window yemakethe ivulwe.

Motswari uchamuka nelwati lolugcwele kulelicembu le-Mswenko Boys ngemuva kwekutsi adlale imidlalo lengetulu kwale-200, kuleligi lesetulu.

Kantsi futsi ukewatsatsa indzebe ye-ligi nelicembu le-Bidvest Wits, futsi unemiklomela leminyenti yema-medali lekawatfole nelicembu le-Orlando Pirates.

Lelicembu le-Orbit College lihleti kunombolo-13 nemaphuzu la-13, ngemuva kwemidlalo le-12.

Banemidlalo lesele ngembi kwekutsi kutsatfwe likhefu leludze kakhulu le-Africa Cup of Nations ngenyanga ye-Ingongoni.