UMDLALO LOMKHULU WE-BETWAY PREMIERSHIP NAMUHLA NGO-19h30

I-Kaizer Chiefs iyobe icudzelana nelicembu le-Sekhukhune United namuhla ebsusku ngesimbi ya-19h30.

Lamacembu lamabili ayalingana ngemaphuzu ashiyana ngemagoli kuphela, licembu lelitoncoba kulomdlalo wanamuhla ngilo leliyohlala kunombolo-1 we-Betway Premiership.

I-Mamelodi Sundowns kwanyalo ngiyo lehleli kunombolo-1 welitafula leligi ye-Betway Premiership, banemaphuzu la-13 ngemuva kwekukoleka emaphuzu lamatsatfu kumdlalo wabo ne-Magesi FC.

I-Kaizer Chiefs idlale imidlalo lesihlanu (5) yawina lemine (4) yadlala kulingana kumunye (1), ngako ke inemaphuzu la-13, i-Sekhukhune United nayo iyafana ne-Kaizer Chiefs mehluko magoli kuphela.

I-Sekhukhune United i-nemagoli la-8, i-Kaizer Chiefs yona inemagoli la-5. Lomdlalo wanamuhla ngiwo lotocacisa kwekutsi ngbani loyohlala ekucaleni.

Lomdlalo uyotsatsa indzawo e-FNB Stadium, ngo-19h30.