Ingabe loku kushokutsi Pitso uyabuyela kuSundowns?
Lomunye webaceceshi labahamba phambili eAfrika futsi lodume kakhulu ngebucwepheshe bakhe jikelele Pitso Mosimane ukhuluma ngekubuyela kaPSL.
Mosimane uvule mnyango kuPSL, avulela litfuba lekutsi angahle abuyele ecenjini lakaPSL.
Pitso kusukela washiya leligi yaseIran Pro League ngaBhimbidvwane 2025 ecenjini le,Esteghlal FC bekangabambeki.
Madvute nje bekachumaniswe nekubuyela kuSundowns letfwele kamatima nyana kulesizini ngaphansi kwemceceshi Miguel Cardoso.
Mibiko itsi lowase Portugal ngekutalwa mceceshi angahle abeyindlela kulelicembu leMasandawana.
Kucansuka kwebalandzelj nekukhatsateka kubente bamemeta ligama laPitso Mosimane kulemidlalo bebadliwa kuyo.
KUPHAWULA KWAMOSIMANE
Mosinane yena uvumile kutsi ubonile abitwa, bachumana naye, utsi “Yebo kungakhonakala kutsi abuyele, angahlulwa yini”?
“Ngikubonile loko etinkhundleni tekuchumana yebo ngikubonile loko,” kusho Pitso ngalesikhatsi abutwa kuSMWX podcast.
“Buka la, kuyakhonakala, ungabotsi angeke kwenteke emphilweni, ngahleka kakhulu nangibona Mike Tyson abuyela kuBoxing.
“[Floyd] Mayweather naye wabuyela, George Foreman naye futsi wabuyela, angati kodvwa ungabophikelela emphilweni.
“Kodvwa ngalesinye sikhatsi kufanele utehlise, ngoba umangabe uya kuCAF Champions League Finals, uncoba lamatsatfu.,”kungetele Pitsi.
INCHUBEKELA PHAMBILI
Bitso angahle atsatse sikhundla saCardoso lapha kumaBrazilians, kusengakaphumi umbiko locinile futsi locondzile ngalomceceshi nalelicembu sitawuva khona.
By:Nkosinathi
