MANQOBA MNGQITHI UPHINDZISELE KU-MAMELODI SUNDOWNS

Licembu le-Golden Arrows belivakashelwe licembu le-Mamelodi Sundowns kumdlalo we-Betway Premiership lotsatse indzawo e-King Zwelithini Stadium.

I-Arrows icale ngekuhlasela ngemandla ekucaleni kwalomdalo noma ehhafini yekucala yalomdlalo, yatfola ematfuba lamanyenti kakhulu lehluleke kuwavalela enethini.

Miguel Cardoso bekente luntjintjo lunye ngekutsi acalise Adams esikhundleni sa-Letlhaku ekucaleni kwalomdlalo.

Kwatsi ngesikhatsi mdlalo udlale emaminitsi la-30’, umgadli wabo lomkhulu Junior Dion washaya ligoli lelihle ngenhloko ngebhola lefakwe ngekhona ngu-Philangenkosi Khumalo.

Lelicembu lase Mamelodi libonakale lishisa ehhafini yesibili, kodvwa i-Arrows incabile kubanika ligoli, ichubeke yatimisela ngendlela lesimanga.

Nuno Santos losandza kutsengwa ulitfolile litfuba lekudlala mdlalo wakhe wekucala, kukhishwe Adams kwafakwa yena, ngenhlosa yekufaka umfutfo phambili, njengobe lelicembu belidliwa ngeligoli linye ecandzeni.

Sitse umasichubeka skhatsi mdlalo usetulu, i-Sundowns yachubeka yafaka mfutfo kodwa bahluleka kiutfola linye lekulinganisa lomdlalo we-Betway Premiership.

I-Arrows ikoleke emaphuzu ayo lamatsatfu, iyohlala kunombolo-10 welitafula le-Betway Premiership League, i-Sundowns yona iyachubeka ihlala kunombolo-2.