ZAKHELE LEPASA U-JOYINA ISIWELELE, I-PIRATES I-BOLEKISE TSHEPO MASHILOANE
I-SABC Sport iveta kwekutsi Zakhele Lepasa utfole licembu lakhe lelisha bese kutsi i-Orlando Pirates yona icedzisa kuhambisa mdlali wasemuva Tshepo Mashiloane ngesivumelwano se-loan.
Ngesikhatsi sinye, Mabhakaniya avumile kuhambisa Mashiloane ku-Sekhukhune United ngesivumelwano sekumbolekisa njengesikhumbuto semincitiswano ya-2025/26.
Kufunwa kwa Lepasa kaba ngekuphutfuma ngalesikhatsi bamkhulula anganacembu lekulidlalela. Umceceshi we-Durban City Gavin Hunt, loke wasebenta nalomdlali longumgadli ecenjini le-Super Sport United, ngasesikhatsi tintfo tajika etafuleni i-Sekhukhune yaphumelela kusayina lomdlali.
Ngalesosikhatsi Mshiloane, uvunyelwe kutsi ashiye licembu le-Orlando Pirates kutsi atfole sikhatsi sekudlala. Loweminyaka le-23 ngebudzala lobekahola licembu le-Baroka FC, angu kapteni, wajabulisa macembu lasezingeni lelisetulu kufaka ekhatsi yona i-Orlando Pirates.
Ngako ke, uhlupheke ngekungatfoli sikhatsi sekudlala, udlale midlalo lemibili kuphela ngephansi kwemceceshi Abdeslam Ouaddou. Kuhamba kwakhe ayeku Sekhukhune United kufike ngekuphatima kweliso, i-Sekhukhune ifuna kucina emuva, njengobe Tsepo Matsimbi ahlangabetene nekulimala lokutotsatsa sikhatsi lesidze kutsi aphole.
