WeChiefs utsembisa ngaChislett kanye naShinga
Phela sekuyoze kuphele kubeketela nekilindza kubalandzeli kutsi bagcine babone Ethan Chislett naNkanyiso Shinga badlala.
Ngemuva kwetinyanga tekucala, ngekubambeleleka ngenca yekulimala, u-Ethan Chislett naNkanyiso Shinga bangakase badlale nakanye kuKaizer Chiefs.
Umceceshi weChiefs, uKhalil Ben Yousseff, ukubeke kwacaca kutsi laba bobabili sebakulungele kudlala.
INGABE SEBAKULUNGELE KUDLALA?
Usho loku njengoba Amakhosi alungiselela kucudzelana neStellenbosch FC emdlalweni weBetway Premiersho eFNB Stadium ngaLwesibili ebusuku.
Laba bobabili bebangakase badlale nakanye emidlalweni lesemtsetfweni kusukela bajoyine lelicembu ekucaleni kwalomkhankaso wa-2025/26.
Babonakale baticecesha ‘ngalokugcwele’ ngesikhatsi licembu lenta emalungiselelo ekugcina ngeMsombuluko eNaturena Village.
TIMPHENDVULO LETICAKAKO
Ngalesikhatsi Ben Youssef abutwa kutsi ingabe laba bobabili batawudlala yini, lomceceshi waseTunisia uvele waphendvula ngendlela lecakako.
“Kusasa loku lokusako, utayitfola imphendvulo yakho,” uphendvule ngalendlela Kalil Ben Youssef.
Lempendvulo ayicacisi kahle kodvwaa iphakamisa kutsi kungenteka babe khona kulomdlalo wabo lotawuba awokucala ngca kulesizini nalelicembu.
By:Nkosinathi
