Tindzaba letimnandzi ngeChiefs kutsi Petersen uyabuya

Kubikwe kutsi nozinti longukapteni weKaizer Chiefs Brandon Petersen uyalulama, futsi utawucala kutilolonga.

Lonozinti weminyaka le-31 ngebudzala kusukala walimala ngembi kwekutsi kudlale lomdlalo we-Dabi, Waphutfumiswa kuyohlindvwa bodokotela.

Kusukela bekalimele lomdlali tintfo betingahambi kahle eNaturena.

Phela Petersen ubelidvwala leChiefs ngemuva kwekutsi abimbe kumidlalo le-27 agcine ema-ckean sheets la-15.

I-Chiefs idliwe midlalo lemine kulandzelana ngaphansi kwetandla ta-Bruce Bvuma lovale Petersen emapalini.

Ngemuva nje kwesehlakalo seDabi lapho iChiefs ibhulwe nga-3-0 iPirates, iphindze yatfola induku ibukene neRichardsBay Bay, 1-0.

NgeLisontfo 15 INdlovulenkulu iChiefs iyobambana neDurban City eFNB Stadium.

Petersen kubikwe kutsi angahle avimbe kulomdlalo njengobe abuyelile enkhundleni yekutivoca-voca.

Besekutsi ngemhlaka 21-INdlovilenkulu iChiefs kwamele ibukane neMagesi FC, bjengobe nje kuyiwa kuFIFA Break.

Broos besikwadi sakhe iBafana Bafana batawube badlala imidlalo yemalungiselelo, Petersen utawutfola nesikhatsi lesanele kutsi alulame kahle ngalokuphelele.

IChiefs yehle yayohlala kunombolo-6, nyalo basendlaleni yekuncoba, njengobe nje banemidlalo lemibili esandleni.

Kubuya kwaPetersen kungabacinisa kakhulu emuva bjengobe batsamba kulamalanga.

By:Nkosinathi