Ouaddou-Kungani Mbokazi acale ebhentjini badlala ne-Arrows?

Mceceshi welicembu le-Orlando Pirates Ouaddou uchazile kutsi kungani Mbekezeli Mbokazi acale ebhentjini kulomdlalo wabo wangoLwesitsatfu lapho bacudzelane khona neleGolden Arrows.

Mbhakaniya ancobe mdlalo wabo ngemagoli la-3-1 bashaya bafana bes’thende kumdlalo we-Betway Premiership e-King Zwelithini Stadium.

Mbekezeli Mbokazi longumdlali losikhiya walelicembu, lojoyine lelicembu ngalesizini lendlulile, kucapheliwe kutsi bekasiyo incenye yebadlali lebacale nemdlalo, kodvwa ungene mdlalo sekayophela.

Ouaddou ukubeke kwacaca kutsi utsatse sincumo sekuphunguta msebenti kulomdlali wesencele wasemuva, wabala inombolo yemidlalo lekayidlalile kusukela kucale le-Sizini.

Letinyatsele tilicebo lekulungiselela umdlalo we-Carling Knockout Cup, lokuveta kwekutsi i-Pirates itawubukana nelicembu le-Richards Bay ngeMgcibelo eNkhundleni yase-Moses Mbida.

“Kwamele, sicaphele kucina ngekwenyama kwebadlali nekutsi sibahole,’ Kushito Ouaddou.

“Kodvwa ngalesinye skhatsi, akusilula njengemceceshi ngoba kwamele wente kube nemncitiswano ecenjini. Angeke ugucukele lelicembu kakhulu bese uyadliwa kumncitiswano.

Siyati lomtfwalo Mbokazi bekafakiwe kuwo kusukela kucale lesizini, kanye nelicembu lesive kanye natsi.

“Mine nebalingani bami, sibonisene ngekutsi simphumute kaancane simfake ekugcineni kwemdlalo futsi udlale kahle kakhulu.”