I-SUNDOWNS ILUNGISELELA KUHLUKANA NA-GOOLAM VALODIA

I-Mamelodi Sundowns ifuna kuhlukana naloke wasebentela i-Sundowns sikhatsi lesidze kakhulu, asebenta ehlangotsini lebacwaningi balelicembu, Goolam Valodia, ngemuva kweminyaka le-15 kulelicembu.

Njengobe bubikiwe baka-Sport wire, i-Sundowns icocisana nemcwaningi lophindze abe mseshi webadlali ngekuhlala njengobe alungiselela kuhlukana nalelicembu.

Lesisebenti sibe nendlela ledze ku-Sundowns, lapho aphumelele khona tindzebe te-ligi leti-10 nalelicembu, i-CAF Champions league, CAF Super CUP, nema-Nedbank lamatsatfu, Telkom knockout, nendzebe ye-MTN8.

Goolam ube kakhulu kulelihlangotsi le-lojikhi ku-Sundpwns, nguye bekafika ehlangotsini letitsa malanga lambadlwana ngembi kwekutsi i-Sundowns ifike, Kodvwa kulesizini usengakabonakali kumidlalo ye-Sundowns.

Ugcine kubonakala kulelicembu ngesikhatsi semidlalo ye-FIFA Club World Cup, laphom khona i-Sundowns idlalo ibhola lehle yajabulisa batsandzi bebhola letinyawo laveni.

Ulandzela etinyatselweni ta-Thembela Maliwa, lophume wahamba ekucaleni kwalesizini lendlulile wayojoyina licembu le-Kaizer Chiefs.