I-TS Galaxy seyitsatse sincumo ngaPhakamani Mahlambi

Umceceshi walelicembu laseMpumalanga iTS Galaxy, Adnan Beganovic sewuvele wacacisa kutsi lelicembu selitsatse sincumo ngaPhakamani Mahlambi lebeyimhlola.

Lomdlali loneminyaka lengu-28 ngebudzala bekatilolonga neTS Galaxy kusukela ngenyanga yeLweti 2025.

Loku bekuyincenye yemzamo wakhe wekuvuselela umsebentii wakhe ngemuva kwesikhatsi lesidze kakhulu angagijimi enkhundleni yelicembu lelisetulu. 

Phakamani Mahlambi ugcine kubonakala emdlalweni losemtsetfweni kuPSL ngenyanga yeInyoni 2021 ngesikhatsi akuChippa United.

Lelijaha laseKwaZulu-Natal yake yatsatfwa njengalomunye webadlali baseNingizimu Afrika labagcama kakhulu ngesikhatsi akuMamelodi Sundowns ne-Al Ahly.

Nanoma nje kulimala nemitselela yemphilo kwabese kuphazamisa umsebenzi waMahlambi nalokuphetse ngekutsi ahlale iminyaka leminingi angadlali.

I-TS Galaxy beyizama kumnika indlela yekubuyela ebholeni lekhokhela imalinletse kutsi ca, kodvwa tintfo atikahambi ngendlela bekufiswa ngayo. 

Mahlambi bekasekwa ngephakatsi ecenjini, lapho kukhona nazakwabo lomncane Seluleko, lekungulomunye webadlali labavelele kuRockets kule sizini.

Umceceshi Beganovic uvumile kutsi lelicembu lizamile kumbeketelela lomdlali kodvwa kwalile imphela.

“Sizamile ngemphela,” kusho Beganovic.

“Samnika sikhatsi lesanele, sasebenta naye sinyatselo nesinyatselo, kodvwa ngemuva kwetinyanga letimbalwa sahlala phansi sahlatiya kahle.”