iChiefs ingase idedele isihlabani esiyintandokazi kubalandeli
IKaizer Chiefs FC ingase idedele omunye wabadlali bayo othandwa abalandeli abaningi eNaturena kanti lo mdlali uzophelelwa yinkontileka ngoJulayi.
Umdlali wasesiswini weBafana Bafana neKaizer Chiefs uzophelelwa yinkontileka eNaturena ngomhlaka-1 kuJulayi nonyaka. Lo mdlali ufike eNaturena ngo-2021 ephuma phesheya.
UDolly ushiye iMontpellier esuka eFrance ngo-2021 ngemuva kokuhlala iminyaka emihlanu kuleli qembu. Ufike kuMontpellier ngo-2016 ngemuva kokudlala kahle kakhulu kwiClub World Cup neSundowns njengoba inqobe iCAF Champions League ngo-2016.
Lo mdlali ushaye igoli elilodwa kuphela eFrance kanti ikilabhu yanquma ukuhlukana naye ekupheleni kwesizini ka-2020/21. Ujoyine iKaizer Chiefs FC mahhala njengoba Amakhosi engazange akhokhele lutho ukumthola.
UDolly ungumdlali okhokhelwa kakhulu kwiKaizer Chiefs kanti Amakhosi afuna ukwehlisa umholo wakhe njengoba ebefuna ukwenza kuKhama Billiat kodwa wenqaba [uBilliat].
Uma engase anqabe Amakhosi azohlukana naye ngokubika kwemithombo yethu [Ezemidlalo2002]. Lokhu kuza ngemuva kokuba nenqwaba yokulimala ngesizini edlule wadlala imidlalo eyisikhombisa kuphela yeligi.
Akashayanga ngisho igoli elilodwa ngesizini edlule kuleyo midlalo eyisikhombisa ayidlalile. Uma uDolly engashiya kuChiefs manje uzobe engumdlali wesibili ukushiya Amakhosi.
Omunye umdlali oshiye iChiefs nguNjabulo Ngcobo ojoyine iSekhukhune United FC. Eminyakeni emithathu [uDolly] ayihlale eNaturena lo mdlali ukwazile ukushayelela Amakhosi amagoli eligi okungenani angu-12.
Ngesizini yakhe yokuqala washaya amagoli ayisikhombisa kwathi ngesizini elandelayo washaya amagoli amahlanu kwathi ngesizini edlule akazange awashaye.
