IDurban City iphindze yenta ledume ngako ngalomceceshi wayo

IDurban City FC iphindze yahlukana indzaba lengavisiseki nemceceshi wayo wesibili kule sizini.

Sekuvele ukutsi leli licembu selincume kuhlukala nemceceshi Sinethemba Badela.

Ucoshwa nje bekusaphele emaSontfo lambalwa kadze acashiwe kutovala sikhala saGavin Hunt.

Badela wabikwa njengemceceshi ngenyanga ye Ingongoni 26, kantsi nyalo sebamkhululile ngemuva kwemidlalo lemitsatfu nje kuphela abambe tintsambo.

Sikhatsi sakhe lesifishane sikhicile imiphumela lencono: uncobe nga 1-0 kuPolokwane City, wahlulwa yiChippa United nga 2-0 kumdlalo we Betway Premiership.

Uphngaze wancoba weNedbank Cup, ashaya  iChippa United emlotseni (ngemaphenathi) ngempelasontfo.

Nyalo iFARPost ibika kutsi baphatsi balelicembu bayalibona futsi bayalivuma imphela likhono laBadela.

Kodwa bakhala ngekutsi indlela yakhe yekudlala itawutsatsa sikhatsi lesidze ukujwayeleka kulabadlali kantsi bona bajahe imiphumela.

Ikakhulu kati njengoba sekubukwe emaphetselweni alesizini lesikuyo.