Imidlalo ye-Betway Premiership iyachubeka njengobe i-Sundowns ibambana ne-Chippa

Ngemuva kwesikhashane i-Betway Premiership imile ngenca yemidlalo yemalungiselelo e-FIFA World Cup, iSundowns neChippa United titawucudzelana ngensimbi ya-19h00, 03 Mabasa.

Lomdlalo utawutsatsa indzawo eLoftus Versveld Stadium, lapho khona eMasandawana atawube alambele kutfola emaphuzu lamatsatfu kulomdlalo njengobe iPirates ihleli esicongweni salelitafula leligi.

I-Sundowns ina-50 wemaphuzu bese kutsi iPirates yona ina-51 wemaphuzu kantsi futsi baphambili ngemdlalo munye.

I-Chippa United yona, igcine ngekudliwa Stellenbosch FC nga-2-1 Cape Town e-Athone Stadium. Lelicembu lihleli kunombolo-13, badlale imidlalo lengemashumi lamabili nakubili, banemaphuzu langemashumi lamabili.

Njengobe badlali labanyenti labatsembe bona bebadlala imidlalo yemalungiselelo eFIFA World Cup ne-Bafana Bafana, asati kwekutsi umceceshi utobadlalisa noma cha.

UMBONO LOVETWE NGU RAYNERS…

“Kutawuba mdlalo lomatima kakhulu, kodvwa sitawuchubeka silwe sigcine imiphumela inutile ngoba ngiko lokubalulekile kakhulu loko,” kusho Iqraam Rayners aveta umbono wakhe.

LOKUCUKETFWE NGALOMDLALO…

Ngensimbi ya-19h00 ebusuku litawusuka lihlale laphe Loftus Versveld Stadium, ngoLwesihlanu mhlaka 03-Mabasa 2026.

By:Nkosinathi