Kekana uphawula ngetinhlelo talomdlalo wabo ne-Chiefs, ‘kutawuba matima.’

Lomdlali wasemuva we-Mamelodi Sundowns Grant Kekana uhlatiya ngalomdlalo wabo ne-Kaizer Chiefs, utsi kutawuba matima kodvwa lelakhe licembu liwulungele lomdlalo.

I-Sundowns itawubukana ne-Chiefs eLoftus Versveld Stadium ngoLwesitsatfu (namuhla) ebusuku, kumdlaloo we-Betway Premiership .

I-Sundowns isetfubeni lelihle lekuphindza itsatse lendzebe ya-2025/26 Betway Premiership. Njengobe banemaphuzu layi-64, basendzaweni yekucala yalelitafula laleligi.

Kantsi futsi batawube balimdzele kukhuphula emaphuzu abo njengobe iPirares ibahleli emuva, kantsi futsi itolo ikoleke emaphuzu lamatsatfu.

I-Chiefs kulomdlalo ilindzele kungeta emaphuzu ngelitsemba lekungena ku-CAF Champions League lesizini letako.

Sebavele baphazamise licembu le-Orlando Pirates kulomjaho we-Betway Premiership, badlala ngekulingana nga-1-1, ne-Pirates.

Grant utsi angeke kubelula kucudzelana ne-Chiefs lesefomini kulamalanga, kodvwa uyatsembisa kutsi lelakhe licembu lihlomile futsi likulungele kuhlasela.

“Kutawuba mdlalo lomatima kakhulu, ngicabanga kutsi badlale kahle kakhulu, kakhulu kati kulesigaba sesibili saleligi kutikhandza bakunombolo-3 waleligi,” kusho Kekana.

“Ngaphandle nje kwekutsi basnadza kudliwa Siwelele FC kumdlalo wabo wekugcina, kodvwa siyati kutsi ifomu yabo injani, futsi ngiyo lesikhatsatako nyalo.

“Sitawuyenta konke lokusemandleni kutsi siphumelele, kona kutawuba matima, kodvwa sihlomile kushoda kutsi sihlasele,” kungetele Kekana.

By:Nkosinathi