Khanye utsi kute namunye umceceshi longabhentja Adams…Utsin umbono wakho?
Lomhlatiyi webhola letinyawo walapha ku-iDiski TV. Junior Khanye uncoma Jadan Adams we-Sundowns. Watsi kute namunye webaceceshi longabeka lomdlali ebhentjini.
Kanye uncome kakhulu lomdlali wesisu losemncane we-Mamelodi Sundowns, utsi iSundowns iphetse noma ititfolele ifishi lekhulu kulomdlali.
Adams lona-24 yeminyaka ngebudzala, ukhombise kutimisela kakhulu kulelicembu ngemuva kwekutsi umceceshi Miguel Cardoso acale kumetsemba.
Kutetsemba nekutimisela kuphindze kwavulela Adams litfuba lekudlala kulelicembu lesive-IBafana Bafana, udlale midlalo lemibili yebungani kulandzelana.
Udlale kahle kakhulu, futsi akanankinga kutsi ufakwa naban, udlala ngekutimisela futsi ngekucaphela ngendlela lesimanga.
Junior Khanye, akhuluma lapha ku-iDiski TV, uncome lomdlali ngendlela lesimanga, kutimisela kwakhe, nekuhlakanipha kwakhe enkundleni.
“Lapha ku-Adams batitfolele inhlanti lekhulu,”ukhulume ku-iDiski TV.
“Kwamele ngishayele lomfana tandla, benginekumngabata ekucaleni kwalesizini kodvwa ungikhombile kutsi bengibona intfo lengekho.
“Ngoba, uyakhona kudlala njenge DM, uyakhona kulandzq mabhola futsi akasabi lutfo.
“Ngisho nekutsi Mokoena akekho angeke ubone, uyakhona nekudlalisa, uyakhona kufaka umfutfo agadle tikhala taphambili, kantsi futsi ibhola akayilahli kalula.
“Muhle msebenti wa-Adams, uyancomeka ngendlela lesimanga, uyakhona nekushaya wa-phasi layingoti aphambili.
“Wente kahle kakhulu Adams ngimshayela tandla, kute naunye umceceshi longabhentja Adams, ngisho naHugo Broos ngabe angamcalisi uyawuba nenkinga lekhulu.”
By:Nkosinathi
