KHOZA UCHAZA KABANTI NGETINTFO LETIVIMBA MACEMBU KWEKUTSI ANGENTI IMALI

Sihlalo we-PSL Dr Irvin Khoza utsi tintfo letiyimbangela yekutsi emacembu ase-Ningizimu Afrika ahluleke kwenta imali kuhluleka kwekutsi babenetitfo tabo.

Emacembu lamaningi ase-Ningizimu Afrika lamaningi ayaboleka tintfo noma ayati-renta kumasipala kuzebakhone kutilolonga nekutsi imidlalo yabo itsatse indzawo ngelinani lemali leningi kakhulu, ngaleso skhatsi labanye betekahle basekeli nema-sponsorship noma bangenel sivumelwano nebaphatsi benkhundla.

Esikhatsini lesiningi, emacembu akenti ngisho nemali ngemidlalo yasemalangeni, lemali isebenta kubhadala inkhundla kantsi futsi nemali lebayenta tukwe-mathikithi incane ngoba emathikithi abita imali lencane.

Khoza ukhulume ngalokuphelele ku-iDiski Times Matshelane Mamabolo mbhali lomkhulu nguye lolungise tindzaba 217 teliphephandzaba, lapho Khoza akhulume khona kwekutsi lesimo ngeke sifaniswe nase-Europe lapho khona emacembu abanikati betintfo tabo, tinkhundla futsi bayakhona kwenta imali.

“Utsengisa li-thikithi nga-R40, kodvwa loko kuncane kutsi ungakhona kunakekela licembu,”Khoza utjele be-iDiski Times.

“Ubhadala inkhundla ayisyo yakho noma akusuwe umnikati wayo. Futsi inkhundla itsatsa onkhe emalungelo. Futsi kwamele ukhiphe imali kute ukhone kuhambisana noma kubambisana ne-SASREA ACT. Ngako-ke, umuntfu wesive uyibita umdlalo webantfu, kodvwa ngibobani labo bantfu? Kwamele ngiyitsatsephi imali yekunakekela licembu?”

“Ngiko lokuvimba emacembu ase-Ningizimu Afrika kwekutsi ente imali.”