Kunebadlali be-Pirates labangahle bavalelise

Kulindzeleke kutsi lelicembu le-Orlando Pirates litsatse sincomo, ngekutsi iyatigcina noma iyatikhulula letihlabane tebadlali labambalwa.

Emakontilaki ebadlali labambalwa balelicembu asondzele ngasemaphetselweni, ngako-ke iPirates kulindzeleke kutsi itsatse sincumo.

Lomunye walabadlali ngu-Kabelo Dlamini lomuhle ngendlela lesimanga laphe seswini salelicembu le-Orlando Pirates.

Lomdlali loneminyaka lengu-29 ngebudzala udlale imidlalo leyimfica kuyo yonke imincitiswano yale-sizini lesikuyo.

Imibiko iveta kwekutsi lomdlali wesisu se-Bucks usalimele kwanyalo kodvwa noma angaphila ngembi kwekuphela kwalesizini ematfuba ekutsi adlale mancame kakhulu.

IMIBIKO LECAPHUNIWE….

“Ngisho noma alimele angahle ahlukane ne-Orlando Pirates ekupheleni kwalesizini,” umtfombo locaphuniwe usho njalo ku-KickOff.

“Ngitsemva kwekutsi lomdlali ucocile nemenenja /mphatsi wakhe ngalendzaba.”

Dlamini wafika ku-Orlando Pirates ngemnyaka wa-2018, abuya ecenjini le-Bloemfontein Celtic. Udlale imidlalo lengetulu kule-200 yonke iphelele.

Licembu lelicishe lihamba phambili ngekufuna lomdlali, i-Amakhosi, umangabe lomdlali atokhululwa emaphetselweni kwalesizini iChiefs inelitfuba lekumsayina lomdlali.

By:Nkosinathi