Sihlabane se-AMa-Zulu FC sibonge Arthur Zwane ngekusikhutsata 

Thandoluhle Ngwenya ube lichawe le AMaZulu FC ngesikhatsi abuyisa litsemba sekulalwe nelithawula abhekisa etulu licembu le-TS Galaxy emdlalweni weBetway Premiership. 

Licembu le Usuthu lincobe lomdlalo weligi lotatse indzawo eMoses Mabhida Stadium, eThekwini ngeliSontfo ntsambama ngemagoli la-3 ku la-2.

Atseleke ngekulandzelana emagoli lamabili   kantsi Ngwenya ube nesandla kuwo omatsatfu lamagoli e USuthu.

Ushaye emagoli lamabili, wase wakhela zakwabo uMlondi Mbanjwa lelilodvwa bakhava emagoli eGalaxy lekashatjwe bo Victor Letsoalo kanye na-Junior Zindoga.

Thandolwenkosi Ngwenya ube ngumdlali lohambe phambili kulomdlalo  kulo mdlalo kusukela angene esombeni sesibili kulo mdlalo.

“Ngifuna nje kubonga umceceshi nemndeni wami ngoba bahlala bangiseka, baphindze bangigcugcutele.

“Umceceshi uhlala angicwayisa angitjele kutsi ufuna ngishaye emagoli,” kusho leli chawe lelidzabuka eZimbabwe.

“Ngibonga uMdali, mine angikase ngicabange kutsi kungenteka ngalendlela kuba nesandla emagolini lamatsatfu,”

Lowase Zimbabwe Junior Zindoga ushaye lelihle ligoli lelibeke iGalaxy phambili nga 2-1.  

“Lisuku lelihle kakhulu  imphela (ebholeni laseZimbabwe). Utse uma ashaya ligoli lesibili ngabona kutsi cha imphela Junior iyavutsa.

“Kodvwa ngibese ngititjela kutsi nami kumele ngichubeke ngisebente kute ngishaye lelihle.”