NASREDDINE NABI KUTSIWA UYAHAMBA
Batsi betindzaba te-SABC Sport i-Kaizer Chiefs nemceceshi Nasreddine Nabi bayahlukana ngekuphutfuma.
Kuyavisiseka kuphumelela kuyodlala mdlalo we-Caf Qualifications, lokuchaza kwekutsi ngeke ahlale ebentjini kulemidlalo yonkhe yalesizini kakhulukati umangabe bachubekela phambili ngekuphumelela.
I-Amakhosi ilindzelwe kwekutsi ikhiphe umbiko noma sitatimende ngekuphutfuma.
Lena indzaba lesachubekako kusalindzelwe lokuningi kulendzaba lena. Ngemuva kwalomdlalo lebasuka kuwo we-Betway Premiership lapho badliwe khona licembu le-Sekhukhune United, mdlalo lomkhulu lebekumele ubabeke kunombolo-1.
Badliwe ngemagoli lamatsatfu kulinye, Nasreddine Nabi uceceshe midlalo lemibili kuphela kumidlalo lesitfupha, wancoba munye wadliwa kumunye. Balekeleli bakhe ngibo bebabambe tindzambo ngalesikhatsi angekho ase-Turkey.
Kwabikwa kwekutsi umkakhe bekasesibhedlele, Nasreddine Nabi kulomdlalo lapho badliwe khona, balandzeli basola yena kakhulu futsi kunetinkhulumo lebeti loku tivilita kumikhakha yekuchumana kutsi Nabi uma ngabe angekho i-Chiefs iyawina.
