Ouaddou ushiya umlayeto lovutsako, mayelana nalesizini letako
Lomceceshi welicembu le-Orlando Pirates Abdeslam Ouaddou ushiye umlayeto lovutsako tukwemalunga akhe alelicembu.
Ucacise ngendzaba yekuchubeka aceceshe lelicembu, wagcwalisa kubonga kanye nekudvudvuta emalunga onkhe alelicembu.
Ouaddou utsi, utawudzinga lamalunga akhe kutsi abambisane nawo kundlula kucala, njengobe bangene nakulomncitiswano lomkhulu we-CAF.
“Ngekutitfoba lokukhulu, ngibhala lamavi lamafishane lasuka ekujuleni kwenhlitiyo yami.
“Ngenhlitiyo lemhlophe ngiyanihalalisela, futsi ngiyabonga kakhulu,” kusho umceceshi Ouaddou
ku-Instagram yakhe.
“Ngebufakazi betitfombe letiveta sikhatsi leingeke sasikhohlwa, selitsimba lelibe yimpumelelo. Sincobe kakhulu kulesizini.
“Kulesizini lendlulile sicedze somiso seminyaka leyi-14, sancoba indzebe njengema Pirates sibili lashayela imikhumbi. Ngijabule kakhulu.
“Sijabulise balandzeli kanye nemindeni lesizini. Ngifisa kwangatsi singaphindze sibajabulise etimpilweni tabo nakulesizini letako.”
By:Nkosinathi
