We-Chiefs uncoma Flavio Da Silva abulala iMagesi FC
Umceceshi welicembu le-Kaizer Chiefs Khalil Ben Youssef uncome lomgadli wabo lohamba phambili ngemagoli Flavio Da Silva, Khalil uncome lefomu yakhe levutsako ngemuva kwekutsi agcekwe ekucaleni kwalesizini.
Loweminyaka leyi-30 ngebudzala, lomgadli bekayincenye yebashayi bemagoli bashaya iMagesi 4-1, ePeter Mokaba Stadium ngoLwesitsatfu.
Silva usefomini kulamalanga, ushaye magoli kumidlalo yakhe kulandzelana, lomgadli unemagoli lasiphohlongo kuyo yonke imidlalo yakhe, kanye ne-assist yinye.
Lemiphumela ibeka iChiefs kunombolo-3, njengobe sebancobe imidlalo ye-Betway Premiership lesihlanu kulandzelana.
Ngemuva kwalomdlalo wangoLwesitsatfu bashaya iMagesi, Ben Yousseff uphawule ngalomgadli lase-Naturena, watsi uhlakaniphile futsi uyalincedza kakhulu lelicembu kutsi liphumelele.
“Angicabangi kwekutsi kwamele ngichaze nga Da Silva ngoba vele utivetile ekucaleni kwesizini kutsi yena ungumgadli longagadla noma ngabe kusiphi simo phakatsi ebhokisini,” kubike Youssef.
“Unemcondvo lokhaliphile, uhlakaniphile phakatsi ebhokisini, futsi usita lelicembu.
“Namuhla bekashaya ligoli lakhe lesikhombisa knatsi futsi uyabona nawe kutsi usebentise bucwepheshe kanye nekuhlakanipha kwakhe.
“Asikacali kahle kulomdlalo, kodvwa yena usincedzile washaya ligoli, tintfo tabese tibalula kutsi sichubeke.”
By: Nkosinathi
