Kungabikhona kwa-Nabi akumvimbi kutsi abekhona tukwetinhlelo temidlalo nelicembu.
Umceceshi msiti welicembu le-Kaizer Chiefs Khalil Ben Youssef ukubeke kwacaca kutsi Nasreddine Nabi, longekho, loseveni lase-Tunisia useka umkakhe lolimele. Nanoma angekho uyakhona kusebentisana nelicembu lakhe letebucwepheshe kwenta malungiselelo emdlalo.
Ngemuva kwekuphumelela imidlalo lemibili ku-Betway Premiership lapho kucudzelwene nelicembu le-Stellenbosch FCNE Polokwane City, Nabi angekho,kubenetinkhulumo tebalandzeni letitsi i-Chiefs iyancoba uma angekho.
Kodvwa Ben Youssef ubeke kwacaca kwacodza futsi ngesikhatsi kunebe-Media e-Naturena ekseni.
“Ngicabanga kwekutsi kulesigaba asicocisani ngekutsi umceceshi ukhona noma akekho, njengelicembu lebucwepheshe singumndeni, sisebenta sonkhe. Sichumana ngasosonkhe sikhatsi, ngesikhatsi sekutilolonga kwebadlali, sihlala sinemhlangano onkhe malanga kutekuchumana letibitwa ngekutsi i-Zoom, sibonisana ngato tonkhe tinhlelo, silungiselela mdlalo sonkhe, Futsi Coach Nabi akekho ngekwenyama but unatsi,” Kusho Youssef. Betindzaba te-SABC Sport bavisiswa kwekutsi umceceshi Nabi uyabuya kuleliviki futsi utobe akhona kulomdlalo nelicembu le-Mamelody Sundowns kuleliviki lelitako.
